ShUǴYL: Almaty mańyndaǵy apat ornynda «qara jáshik» tabyldy
ASTANA. 29 qańtar. QazAqparat - Almaty túbinde CRJ 200LR ushaǵy qulaǵan jerde «qara jáshik» tabyldy, ony ashý úshin Memleketaralyq avıatsııalyq komıtetke jiberiledi, dep habarlaıdy QR Kólik jáne kommýnıkatsııa mınıstrliginiń Azamattyq avıatsııa komıtetinen.
Komıtettiń málimetterinshe, CRJ 200LR ushaǵy 2000 jyly Kanadada shyǵaryldy. Qazaqstanda ushý jaramdylyǵynyń sertıfıkaty atalǵan áýe kemesine onyń qaýipsizdik talaptaryna sáıkes keletini dáleldengen soń 2012 jyly berildi.
Atalǵan ushaq tehnıkalyq qyzmetten 2011 jyldyń maýsymynda Danııanyń Kopengagen qalasynda ótti, apat kezinde Qazaqstanda ushý ýaqyty 884 saǵatty qurady, 588 qoný jasaldy.
1997 jyly qurylǵan «SKAT» áýe kompanııasy paıdalanýshynyń kezekti kýáligin 2012 jyldyń maýsym aıynda aldy. Paıdalaný merzimi - 14.06.2014 jylǵa deıin. Atalǵan qujat áýe kompanııalaryna 2 jyldan kóp emes ýaqytqa beriledi, odan keıin áýe tasymaldaýshysy sertıfıkattaýdyń qaıta protsedýrasynan ótýi tıis.
Ushaqtyń ekıpajy: ekıpaj komandıriniń jalpy ushý ýaqyty - 18 194 saǵat, sonyń ishinde CRJ 200 ushaǵymen komandır retinde ushý ýaqyty 1010 saǵatty quraıdy. Ekinshi ushqyshtyń jalpy ushý ýaqyty - 3 507 saǵat, sonyń ishinde CRJ 200 ushaǵynda - 132 saǵat. Eki ushqysh ta sońǵy qaıta daıyndyqtan 2012 jyldyń qarasha aıynda Lıtvada ótken bolatyn.
