ShUǴYL: Almaty qalasynyń jáne Shyǵys Qazaqstan oblysynyń burynǵy ákimi, eks-mınıstr V. Hrapýnovqa halyqaralyq izdeý jarııalandy - Qarjy polıtsııasy
ASTANA 23 aqpan. QazAqparat - Almaty qalasynyń jáne Shyǵys Qazaqstan oblysynyń burynǵy ákimi, eks-mınıstr Vıktor Hrapýnovqa qatysty 20 qylmystyq is tergelýde.
Bul týraly búgin elordada QR Ekonomıkalyq jáne sybaılas jemqorlyqpen kúres agenttiginiń resmı ókili Murat Jumanbaı málim etti.
«Agenttik Almaty qalasynyń jáne Shyǵys Qazaqstan oblysynyń burynǵy ákimi, eks-mınıstr V. Hrapýnovqa qatysty birqatar sybaılas jemqorlyq pen ekonomıkalyq qylmystardy jasaý faktileri boıynsha 20 qylmystyq isti tergeýde. V. Hrapýnovqa syrttaı aıyp taǵylyp, sotpen ony qamaýǵa alý sanktsııalandy. Aǵymdaǵy jyldyń 8 aqpanynda V. Hrapýnovqa halyqaralyq izdeý jarııalandy. Qylmystyq is tergelýde. Ózge aqparat tergeý múddesine oraı jarııalanbaıdy», - dedi ol.
