ShUǴYL: Almaty qalasynda polıtsııa qyzmetkerlerine qarýly shabýyl jasaldy, bir qyzmetker mert boldy
ASTANA. 28 shilde. QazAqparat - Búgin 9 saǵat 20 mınýt shamasynda Almaty qalasynyń Bekmahanov kóshesinde belgisiz bireýler qalanyń osy aýdanynda qyzmet atqaryp júrgen polıtsııa qyzmetkerlerine qarýly shabýyl jasady.
Bul týraly QR Bas prokýratýrasynyń baspasóz-qyzmeti habarlaıdy.
Shabýyl nátıjesinde bir polıtsııa qyzmetkeri sol jerde qaıtys boldy jáne taǵy bireýi dene jaraqattarymen aýrýhanaǵa jetkizildi.
Bul fakti boıynsha Qylmystyq kodekstiń 96 babymen (kisi óltirý) qylmystyq is qozǵaldy, jedel-tergeý toby quryldy.
Aldyn ala derekter boıynsha, qylmyskerler jábirlenýshilerdiń tabeldik qarýlaryn ıemdengen.
Oqıǵa bolǵan jerdi qaraý jáne basqa da kúttirmeıtin tergeý áreketteri, sondaı-aq qylmyskerlerdi anyqtaýǵa jáne ustaýǵa baǵyttalǵan jedel-izdestirý is-sharalary júrgizilýde.
