ShUǴYL: «Almaty-Astana» reısindegi «shahıd» beldemshesin asynǵan qyz týraly jalǵan habar taratqan azamat qamaýǵa alyndy

Bul týraly Astana qalasy Avıatsııalyq kólik prokýratýrasynyń baspasóz qyzmetinen habarlandy.

«2012 jylǵy 8 sáýirde saǵat shamamen 00.45-te «Astana halyqaralyq áýejaıy» AQ halyqaralyq ushý zalynyń   «SIP» telefon nómirine belgisiz er adam habarlasyp, tańerteńgi «Astana-Almaty» reıstik baǵytymen «shahıd» beldemshesin taǵynǵan qyzdyń ushatynyn habarlaǵan. Osyǵan oraı, Astana qalalyq áýejaıynyń jeke quramyna dabyl qaǵylyp, Halyqaralyq áýejaıdyń jańa jolaýshylar termınalyna Kóliktegi ishki ister departamentiniń operatıvtik-tergeý toby attandyrylady. Oqıǵa ornyna quqyq qorǵaý jáne arnaıy organdardyń, onyń ishinde QR Prezıdentiniń Kúzet qyzmetiniń, Ulttyq qaýipsizdik komıtetiniń jáne Avıatsııalyq kólik prokýratýrasynyń qyzmetkerleri dereý tartylǵan. Oqıǵaǵa oraı, áýejaıdaǵy jolaýshylar men personaldardyń qaýipsizdigin qamtamasyz etý maqsatynda ótkizý rejimi men júkterdi qaraý kúsheıtildi. Áýejaı ǵımaratyna kiretin barlyq qosymsha esikter jabylyp, áýejaıdyń bútkil aýmaǵy qatań baqylaýǵa alyndy. Qyzmettik iz kesýshi ıtterdiń kómegimen áýejaıdyń jolaýshylar termınaly tintildi», - delingen baspasóz qyzmeti taratqan málimdemede.

Budan bólek, arnaıy qyzmetterdiń shıraqtyǵy arqasynda áýejaıǵa qońyraý shalynǵan telefon nómiri de aıqyndalǵan.  Odan keıingi jedel sharalardy júzege asyrý  barysynda 1982 jyly týǵan, ulty qazaq azamat D. Anapovtan áýejaıǵa qońyraý shalynǵan «Nokııa» uıaly telefony alynyp, keıinnen dál osy telefonnan áýejaıdyń «SIP» zalyna qońyraý shalynǵany da belgili boldy.

Tergeý barysynda azamat D. Anapov «Pıvnıtsa» meıramhanasynda mas kúıinde 8 sáýir kúni saǵat shamamen 00. 30 mınýtta azamatsha  Elena Gavrılovamen daýlasyp, onyń tańerteńgi reıspen Almaty qalasyna eshqandaı da usha almaıtynyn aıtqan.

Joǵarydaǵy ekeýdiń arasyndaǵy daýdy kýágerler de naqtylap, Anapovtyń Gavrılovany «bombasy bar jankeshti» retinde reısten alyp qalatyny týraly jalǵan habarlamasyn da rastaǵan. Kýágerlerdiń bergen túsiniktemesine oraı, osyndaı oqıǵadan soń Anapov pen Gavrılova «Pıvnıtsa» meıramhanasynan shyǵyp, «Shokolad» túngi klýbyna odan ári qydyrýǵa ketken.

«Qazirgi tańda osy faktige oraı  QR Qylmystyq kodeksiniń 242-baby (terrorızm aktisi týraly kórineý jalǵan habar berý) boıynsha qylmystyq is qozǵalyp, tergelýde. Adamdardyń qalypty ómirin buzýǵa ákep soǵatyn qoǵamdyq qaýipsizdik pen qoǵamdyq tártipke qarsy qylmys jasalǵanyn, sondaı-aq kóptegen adamdardyń ózderiniń fýnktsııalyq mindetterinen (Prezıdent Kúzet qyzmeti, quqyq qorǵaý jáne prokýratýra organy qyzmetkerleri jáne taǵy basqalar) aıyrǵanyn  eskere otyryp Astana qalasynyń soty D. Anapovty qamaýǵa alý týraly  sanktsııa berdi. Qazirgi tańda azamat D. Anapovtyń quqyqqa qaıshy áreketiniń saldarynan keltirilgen zalal kólemi anyqtalý ústinde», - delingen baspasóz aıǵaǵynda (tergeýge oraı tulǵalardyń aty jónderi ózgertilgen).