ShUǴYL: Aldyńǵy shassıi isten shyqqan «SCAT» ushaǵy apatty jaǵdaıda Astanaǵa qondy
ASTANA. QazAqparat - Búgin tańerteń «SCAT» áýekompanııasynyń ushaǵy Astanaǵa apatty jaǵdaıda qondy. Bul týraly elordalyq áýejaıdyń baspasóz qyzmetinen habarlady
«Shymkent-Astana» reısi boıynsha jolǵa shyqqan «SCAT» áýe kompanııasynyń ushaǵy Astana áýejaıynda 10.57 saǵatta aldyńǵy shassıiniń isten shyǵý sebebinen apatty jaǵdaıda qondy», - delingen habarlamada.
Ushaq bir saǵat buryn qoný kerek bolǵan, alaıda aqaý saldarynan ol biraz ýaqyt boıy Astana áýejaıyna qona almaǵan. Aqparat túsken boıda barlyq qyzmetker tik turǵyzyldy. Aldyn ala qoný alańyna ushaqty órtten saqtaıtyn arnaıy zat ta tógildi.
Bortta 5 ekıpaj múshesi men 89 jolaýshy bolǵan. Qaza bolǵandar men zardap shekkender joq.
"Ushqyshtardyń jáne áýejaı, Azamattyq avıatsııa komıteti, TJM qyzmetkerleriniń kelisilgen jumysy nátıjesinde búgin tańerteń Shymkentten ushyp shyqqan SKAT áýe kompanııasynyń «Boıng-737» samoleti Astana áýejaıynda 10.57-de sátti qondy", dep habarlaıdy QR KKM baspasóz qyzmetinen. Aıta keteıik, budan buryn da «SCAT» kompanııasynyń Bangkok - Astana baǵyty boıynsha ushyp shyqqan taǵy bir ushaǵynyń tejegishi istemeı qalyp, Astana áýejaıynda apatty jaǵdaıda qonǵan bolatyn. Ushaq bortynda 171 jolaýshy men ekıpajdyń 9 qyzmetkeri bolǵan. Onyń ishinde 49-y - balalar.
