ShUǴYL: Aqtóbe oblysynda jol sheberi men jóndeýshi júk poıyzynyń astyna túsip mert boldy, eki adam aýrýhanaǵa jetkizildi
ASTANA. 28 aqpan. QazAqparat - Aqtóbe oblysynyń Alǵa aýdanynda, «Baqaı-Toqmansaı» ótkeliniń 166 shaqyrymynda, «Nıkeltaý-Qandyaǵash» ýchaskesinde keshe saǵat 15.30-da jóndeý jumystaryn atqarý barysynda Qandyaǵash stansasy №6 temirjol bóliminiń 4 jolshysy abaısyzda júk poıyzynyń astyna qulap ketti.
40 jastaǵy jol sheberi men 34 jastaǵy jol jóndeýshisi oqıǵa ornynda kóz jumdy, 36 jáne 45 jastaǵy jol jóndeýshileri túrli dárejedegi jaraqattarmen aýrýhanaǵa jetkizildi.
Bul týraly QR TJM baspasóz qyzmetinen habarlady.
