ShUǴYL: AQSh-ta erli-zaıyptylar Qazaqstannan asyrap alǵan balalaryn zorlaýǵa aıypty dep tanyldy
ASTANA. 9 tamyz. QazAqparat - Amerıkanyń Massachýsets shtatyndaǵy erli-zaıyptylar Qazaqstannan asyrap alǵan balalarynyń zorlanýyna aıypty dep tanyldy. Alqa bıler prokýratýranyń dálelderimen kelisti. Endi sýdıalar jaza merzimi jóninde aqtyq sheshimdi qabyldaýy tıis, dep habarlaıdy RBK.
Jergilikti BAQ habarlaǵandaı, aıyptaýshy jaq 50 jastaǵy Djozef Maıott jáne onyń 49 jastaǵy áıeli Lında Qazaqstannan eki balany ádeıi jynystyq qumarlaryn qanaǵattandyrý maqsatynda asyrap alǵanyn dáleldep shyqty. Dj.Maıott 8 jasar asyrandy qyzyn zorlaǵan, al onyń áıeli 13 jasar ul balany jynystyq qatynasqa túsýge májbúrlegen.
Oqıǵa, tipti, L.Maıott asyrandy ulynan bala kótergenge deıin jetken.
Dj. Maıotttyń qorǵaýshysy asyrandy qyzdyń barlyq aıtqan sózderi oıdan shyǵarylǵan dep sendirýge tyrysty.
Lında Maıott qamaýǵa alynǵan sátten bastap tórtinshi ret óz-ózine qol jumsaýǵa áreket etken,qazir ol aýrýhanaǵa jatqyzyldy.
