ShUǴYL: Aqsaı shatqalynda 8-shi adamnyń múrdesi tabyldy
ASTANA. 14 tamyz. QazAqparat - Almaty oblysynyń Aqsaı shatqalynda 8-shi adamnyń múrdesi tabyldy. Bul týraly búgin QR Іshki ister mınıstri Qalmuhambet Qasymov jýrnalısterge bergen suhbatynda málim etti.
«Búgingi kúni izdeý jumystaryn jalǵastyryp jatyrmyz, jedel-tergeý toby da áreket etýde. Osyǵan oraı, sot-medıtsınalyq saraptama jumystary da júrgiziletin bolady», - dedi ІІM basshysy.
Esterińizge sala keteıik, keshe 13 tamyzda Almaty oblysynyń Aqsaı shatqalynda 7 adamnyń múrdesi tabylǵan. Atap aıtqanda, Qarasaı aýdanynyń Taýsamaly aýylynan 5 shaqyrym jerde orman sharýashylyǵynyń tórtinshi kordonynan pyshaqtalǵan eki adam - áıel men er azamattyń múrdeleri anyqtaldy. Budan bólek «Taý samaly» demalys aımaǵynyń aýmaǵynan 3 adamnyń: bir áıel men eki er adamnyń múrdeleri tabyldy. Joǵaryda atalǵan aýyldan 25 shaqyrym jerdegi besinshi kordonda órt bolyp, ol sóndirilgen soń oqıǵa ornynan taǵy eki er adamnyń múrdeleri tabylǵan. Búgin Іshki ister mınıstri 8-shi adamnyń súıegi tabylǵanyn habarlady.
