ShUǴYL aqparat: Máskeýdegi murajaıda jarylys bolyp, bes bala zardap shekti
ASTANA. 8 maýsym. QazAqparat - Máskeýdegi Ivan Franko atyndaǵy kóshede ornalasqan «Sfera» ǵylym men tehnıka murajaıynda jarylys boldy. Oqıǵa ekskýrsııa júrip jatqan kezde bolǵan. Jarylys murajaı qyzmetkerleri balalarǵa ǵylymı tájirıbe kórsetip jatqan kezde oryn aldy,
dep habarlaıdy RosBıznesKonsaltıng agenttigi.
RBK-ǵa Máskeý boıynsha Reseı ІІM Bas basqarmasynyń aqparat jáne qoǵammen baılanys basqarmasy habarlaǵandaı, búgin jergilikti ýaqyt boıynsha saǵat 13:27-de murajaıdaǵy ekskýrsııa kezinde muǵalim otpen baılanysty tájirıbe jasap kórsetpek bolǵan. «Tájirıbe jasaý kezinde jarylys bolyp, alty adam, sonyń ishinde bes bala ómirlerine asa qaýip tóndirmeıtin jaraqat aldy», - dep habarlaǵan polıtsııa ókili.
