ShUǴYL aqparat: 2013 jylǵa deıin Internettegi avtorlyq quqyqqa qatysty zań aktlerine ózgertýler engizilmesin - Qazaqstandyq saıt ókilderi

Esterińizge sala keteıik, 30 sáýir kúni Qazaqstan ınternet qaýymdastyǵy (QIQ) men Parlament depýtattarynyń qatysýymen Internettegi avtorlyq quqyq máselesine qatysty «dóńgelek ústel» ótken bolatyn. Jıyn barysynda QIQ prezıdenti Shavkat Sabyrov pırattyq kontent ornalastyrǵan saıttarǵa qarsy «Úsh shertý» ádisin usynǵan edi. Onda zańǵa qaıshy kontent avtorlaryna birinshiden - qulaqqaǵys, ekinshi - eskertý, úshinshiden - qylmystyq is qozǵaý usynylǵan.

Búgingi baspasóz máslıhatyn ótkizýshi iri saıttardyń ókilderi osy usynysqa narazylyq tanytty. Olardyń aıtýynsha QIQ usynǵan «Úsh shertý» ádisi Qazaqstan men Reseıdiń ınternet resýrstaryna birdeı jaǵdaı jasaıdy. Al bul óz kezeginde qazaqstandyq ınternettiń aıaqtan turýy úshin jyldar boıy qalanǵan irgetasty shaıqaltady. «Qazaqstandyq saıttar «dóńgelek ústelde» kóterilgen qaraqshylyqpen kúresti kúsheıtý qajettigin qoldaıdy, biraq QIQ usynǵan ádis-tásilderdi paıdalanýǵa qarsy. QIQ bastamasy- Qaznetti oısyratatyn úsh soqqy»,- dedi Namba.kz kóńil kóterý portalynyń ókili Qamshybek Qasymbekov.

Onyń aıtýynsha, sońǵy jyldary «Qazaqtelekom» ulttyq operatory saıasatynyń arqasynda ınternet damyp keledi. Alaıda «Úsh shertý» qoldanysqa ense, bul jaǵdaı kerisinshe bolýy múmkin.

«Germozondar salynyp, qazaqstandyq resýrstarǵa bastapqy kómek kórsetildi, kómekke zárý resýrstarǵa tegin hostıng berildi, «Megalaın» jyldamdyǵy kúsheıtildi. Memlekettik tildegi resýrstar damyp keledi. Alaıda reseılik resýrstarmen qatty báseke týyp otyr. Otandyq saıttar qazaqstandyq tutynýshylar úshin jan-jaqty kúres júrgizip keldi. Bizdiń maqsatymyz bireý - árbir qazaqstandyqtyń otandyq resýrstardy paıdalanýyn, baǵaly trafıktiń el ishinde qalýyn qamtamasyz etý bolatyn. Árıne, Qaznettiń reseılik resýrstardy jeńýine úlken kúsh kerek. Qazaqstanda jetekshi oryndarda mail.ru, google.com, google.ru, yandex.kz, facebook, youtube shet eldik nemese reseılik resýrstar tur. nur.kz, kaztorka.kz, yvision.kz syndy qazaqstandyq saıttar 14-shi, 16-shy, 17-shi oryndarda. «Úsh shertý» bul jaǵdaıdy odan ary kúrdelendiredi»,- dedi Q.Qasymbekov.

Yvision.kz saıtynyń ókili Stanıslav Ignatovtyń aıtýynsha, bul ádis qoldanysqa engizilse qazaqstandyq ınternet paıdalanýshy zańsyz kontentti izdeý barysynda kz aımaǵynan tys resýrstarǵa ketip qalady, bul rette reseılik resýrstar qazaqstandyq saıttarǵa qaraǵanda úlken basymdylyqqa ıe bolady. Qaznetti «birjaqty tazartý» onyń básekege qabilettiligin joıady, qazaqstandyq torrentter men onlaın kınozaldar domen, hostıngterin reseılik resýrstarǵa aýystyryp alady. Nátıjesinde ınternettegi qaraqshylyq kúsheıe túsedi, torrentter reıtıngterden shyǵyp ketedi, budan olardy monıtorıngteý qıynǵa túsedi»,- dedi S.Ignatov.

Baspasóz máslıhatyna qatysýshylar ınternettegi avtorlyq quqyqqa qatysty zań aktlerine ózgertýler engizýge 2013 jyldyń orta shenine deıin maratorıı engizýdi, osy ýaqyt aralyǵynda TMD elderiniń ınternet birlestikterimen jáne bılik organdarymen birlese otyryp TMD deńgeıinde avtorlyq quqyqty saqtaýdy sheshý, pırattyq kontent daıyndaýshy otandyq tutynýshylarmen túsindirý jumystaryn júrgizýdi usyndy. Sondaı -aq bolashaqta bul salaǵa qatysty zańdar sala qatysýshylarynyń qatysýymen júrgizilýi tıistigin de atap ótti. «Biz bul usynystardy naryqty zertteı otyryp jasap otyrmyz. Qazaqstandyq ınternet - bizdiń ǵumyrlyq isimiz», -dedi nur.kz, kiwi.kz6 yvision.kz, namba.kz saıtynyń ókilderi.

Esterińizge sala keteıik, iri saıttardyń ókilderi 30 mamyr kúni QR Úkimet basshysy Kárim Másimov, Baılanys jáne aqparat mınıstri Asqar Jumaǵalıev pen QR Parlamenti Májilisiniń depýttattaryna ashyq hat joldaǵan edi. Onda osy «Úsh shertý» ádisine qarsylyq tanyylǵan bolatyn.