ShUǴYL: Aqmola oblysynda ushaq jerge qoný kezinde otqa orandy, eki adam japa shekti
ASTANA. 1 maýsym. QazAqparat - Aqmola oblysynda ushaq jerge qonarda otqa orandy, eki adam zardap shekti, dep habarlady óńirlik ishki ister departamentiniń baspasóz qyzmeti.
Polıtsııa qyzmetkerleri málim etkendeı, Astana qalasyndaǵy travmatologııa jáne ortopedııa bólimshesiniń aýrýhanasyna jedel-járdem kóligimen 2 adam jetkizildi. Zardap shekkenniń birinshisi - 1966 jylǵy Tselınograd aýdany Ilınka aýylynyń turǵyny, ushqysh-ınstrýktor bolyp qyzmet jasaıdy, aıaǵy men betin 45 paıyzǵa kúıik shalǵan. Zardap shekkenniń ekinshisi - Astana qalasyndaǵy orta mektepterdiń birinde oqıtyn 17 jasar bozbala «betin, moıyn men denesin kúıik shalý, oń jáne sol jilingishigi syný» dıagnozymen aýrýhanaǵa jetkizildi. Ekeýi de jan saqtaý bóliminde jatyr.
«Astana qalasynan 12 shaqyrym jerde ornalasqan Shortandy aýdanynyń aýmaǵynda, Bozaıǵyr aýylynan 18 shaqyrym jerde Respýblıkalyq memlekettik kásiporyn avıa ortalyǵynyń jazǵy alańynda TL-2000 markaly ushaq jerge qoný kezinde órtke orandy, sonyń saldarynan eki adam jaraqattandy», - dep habarlandy baspasóz qyzmetinen.
