ShUǴYL: 906 mln.teńgeni urlady dep aıyptalǵan Jer resýrstaryn basqarý agenttiginiń burynǵy basshylarynyń isi sotqa tapsyryldy
ASTANA. 11 maýsym. QazAqparat - Bıýdjetten topografııalyq-geodezıkalyq jáne kartografııalyq ónimge, onyń ishinde Kaspıı teńiziniń qazaqstandyq sektoryndaǵy Teńiz kartasyn qurýǵa bólingen 906 mln.teńgeni urlady degen aıyppen Jer resýrstaryn basqarý agenttiginiń burynǵy tóraǵasy Ó.Ózbekov,
onyń orynbasarlary B.Naqypbekov pen A.Jampeıisov, sonymen qatar Agenttiktiń jáne vedomstvoǵa qarasty basqa da laýazymdy tulǵalar isi sotqa tapsyryldy.
Qylmystyq istiń materıaldary máni boıynsha qaraý úshin Atana qalasynyń Qylmystyq ister boıynsha aýdanaralyq mamandandyrylǵan sotyna joldandy. Bul jaıly Ekonomıkalyq qylmys jáne sybaılas jemqorlyqpen kúres (qarja polıtsııasy) agenttiginiń baspasóz qyzmeti habarlady.
