ShUǴYL: 76 túzeý mekemesiniń 50-i apattyq jaǵdaıda - QR Іshki ister mınıstri
ASTANA. 28 mamyr. QazAqparat - Búgingi tańda elimizdegi 76 túzeý mekemesiniń 50-i apattyq jaǵdaıda. Bul týraly búgin Úkimette 2012-2015 jyldarǵa arnalǵan Qazaqstan Respýblıkasyndaǵy qylmystyq atqarý júıesin damytý baǵdarlamasynyń jobasyn tanystyrǵan QR Іshki ister mınıstri Qalmuhanbet Qasymov málim etti.
«Máselen, Semeı, Óskemen jáne Oral qalalaryndaǵy túzeý mekemeleri 18-19 ǵasyrlarda salynǵan. 29 mekemede kúzet, ınjenerlik-tehnıkalyq qural-jabdyqtary tolyqtaı nemese jartylaı aýystyrýdy qajet etedi»,-dedi ol.
Mınıstrdiń atap ótýinshe, qazirgi ýaqytta sottalǵandardyń árbir besinshisi dıspanserlik esepte tur. Mekemelerdiń medıtsınalyq qural-jabdyqtarmen jabdyqtalýy tómengi normatıvterdiń 20-60 paıyzynan aspaıdy.
«Mekemelerdiń basym bóligi tipti qarapaıym dıagnostıkalyq apparatýralarmen de qamtamasyz etilmegen. Búginde kolonııalarda shamamen 2000-ǵa jýyq týberkýlezge shaldyqqandar jáne 1,6 myńnan astam vıch ınfektsııasyn juqtyrǵandar ustalýda. Tek ótken jyldyń ózinde ǵana 730-dan astam sottalýshy týberkýlezge shaldyqty», -dedi Q. Qasymov.
