ShUǴYL: 2012-2013 jyldarǵa poıyzdar qozǵalysynyń jańa kestesi engiziledi

Bul týraly «Jolaýshylar tasymaly» AQ-nyń baspasóz qyzmetinen málim etti.

Oǵan 150 jup jolaýshylar jáne qala mańynda qatynaıtyn poıyzdar taǵaıyndalǵan. Olardyń ishinde:

- 51 jup «Jolaýshylar tasymaly» AQ jolaýshylar poıyzy;

- 28 jup TMD elderinde qurastyrylǵan jolaýshylar poıyzy;

- 10 jup jeke tasymaldaýshylardyń jolaýshylar jáne qala mańynda qatynaıtyn poıyzdary;

- 61 jup «Qala mańyndaǵy tasymal» AQ qala mańynda qatynaıtyn poıyz.

«Jolaýshylar tasymaly» AQ poıyzdary kelesideı qatynaıtyn bolady: 13 jup memleketaralyq qatynasta, 35 oblysaralyq qatynasta jáne 3 aýdanaralyq qatynasta.

Poıyzdar qozǵalysynyń jańa kestesine birqatar ózgertýler engizildi.

Qosymsha 2 poıyz taǵaıyndaldy: №363-364 jáne №151/152. Belarýs Respýblıkasynyń temirjol ákimshiligi qurastyrǵan «Mınsk-Almaty-1» qatynasyndaǵy №363/364 poıyzy aptasyna bir ret jıilikpen qatynaıtyn bolady.

«Jolaýshylar tasymaly» AQ qurastyrǵan «Almaty-2-Petropavl» qatynasyndaǵy №151/152 poıyzy aǵymdaǵy jyldyń 1-shildesinen bastap kúnara qatynaıtyn bolady. Poıyz Astana qalasyndaǵy «Tulpar-Talgo» qazaqstandyq-ıspandyq birlesken kásipornynyń zaýytynda jasalǵan «Talgo» jaıly vagondarynan qurastyrylǵan.

Jańa keste boıynsha «Rýbtsovsk-Zaşıta» ornyna «Barnaýyl-Lenınogorsk» «Rossııskıe jeleznye dorogı» AAQ qurastyrylǵan №391/392 jolaýshylar poıyzy taǵaıyndalǵan.

Marshrýttardy ońtaılandyrý sheńberinde «Almaty-Atyraý» qatynasyndaǵy №29-30 jolaýshylar poıyzy toqtatylyp, «Almaty-Atyraý» qatynastaǵy №41-42 kúndelikti qatynaıtyn poıyz taǵaıyndaldy.

«Qaraǵandy-Semeı» qatynasyndaǵy №311-312 poıyzynyń quramynda «Balqash-Semeı» eki tirkeme (1 kýpeli, 1 platskartty) vagonnyń qatynaýy taǵaıyndaldy.

Sonymen qatar, «Qazaqstan temir joly» UK» AQ birge júrgizilgen jumystardyń nátıjesi boıynsha qozǵalys jyldamdyǵy ulǵaıtylǵan jáne sáıkesinshe myna poıyzdardyń jol júrý ýaqyty azaıtyldy: «Astana-Almaty» qatynasyndaǵy №9/10, «Astana-Atyraý» qatynasyndaǵy №47/48, «Mańǵyshlaq-Astana» qatynasyndaǵy №37/38, «Almaty-Mańǵyshlaq» qatynasyndaǵy №377/378.

Jazǵy kezeńde jolaýshylardy tasymaldaýdy qamtamasyz etý úshin qazirgi ýaqytta tórt kúnde bir ret qatynaıtyn «Astana-Sankt-Peterbýrg» №39/40, «Qaraǵandy-Máskeý» №83/84, «Pavlodar-Presnogorkovskaıa» №339-340 jolaýshylar poıyzdarynyń qatynaý jıiligi kúnara bolyp ózgertildi.

Sonymen birge, 2012 jyldyń shilde, tamyz aılaryna qatynaý jıiligi aptasyna eki ret «Astana-Adler» qatynasyndaǵy №483/484 maýsymdyq poıyzdyń qatynaýy qosymsha taǵaıyndalady.