ShUǴYL: 1 tonna 700 keli «marıhýana» tárkilendi
ASTANA. 12 maýsym. QazAqparat - «Kendir-2012» jáne «Arna-Shyǵys» keń aýqymdy jedel aldyn alý operatsııalary sheńberinde respýblıka boıynsha 1 tonna 700 keli «marıhýana» tárkilendi.
Bul týraly búgin elordada Kóliktegi ishki ister departamentinde bolǵan baspasóz máslıhatynda Esirtki bıznesine qarsy kúres basqarmasy bastyǵynyń orynbasary Erlan Aqbarov málim etti.
Atap aıtqanda, 2012 jyly 4 maýsymda Shý-Aspara stansalary aralyǵynda Kóliktegi ishki ister departamentiniń qyzmetkerleri Almaty oblysynyń 1969 jyly týǵan turǵynyn ustady. Odan salmaǵy 613 keli «keptirilmegen marıhýana» esirtki zaty tabyldy. Al 7 maýsymda «Tátti-Quraǵatty» stansalary aralyǵynda 690 keli «keptirilgen marıhýanamen» OQO turǵyny quryqtaldy. Sol kúni Taraz qalasynyń týmasy 410 keli «marıhýanamen» ustaldy.
Erlan Aqbarovtyń aıtýynsha, tárkilengen esirtkiniń qara naryqtaǵy quny 7 mln. teńgege deıin jetedi. Tergeýge alynǵandardyń ishinde 1958 jyly týǵan tarazdyq azamat buryndary urlyq jasap, sol qylmysy úshin sotty bolǵan.
«Endi olarǵa asa iri partııa esirtki tasymaldaǵany úshin 10 jylǵa deıin bas bostandyǵynan aıyrý jazasy qoldanylýy múmkin», - dep túıindedi sózin E. Aqbarov.
