Shuǵyl kómekti qajet etken 1 jasar sábı TJM tikushaǵymen Qyzylordaǵa jetkizildi
ASTANA. KAZINFORM - Qyzylorda oblysynyń Tóretam kentinde bir jasar balany oblys ortalyǵyna shuǵyl jetkizý qajettiligi týyndady, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, sábıge shuǵyl medıtsınalyq kómek qajet bolyp, TJM avıatsııasy kómekke kelgen. Az ýaqyt ishinde tikushaq ekıpajy Tóretam kentinen Qyzylorda qalasyna ushyp shyǵyp, dárigerlerdiń súıemeldeýimen balany medıtsınalyq mekemege jetkizdi.
-Ushqyshtar men medıtsına qyzmetkerleriniń úılesimdi ári kásibı áreketteriniń arqasynda sábı der kezinde aýrýhanaǵa jetkizildi. Qazirgi ýaqytta bala mamandardyń baqylaýynda,-delingen habarlamada.
Sonymen qatar qutqarýshylar Óskemen qalasynda S.Nurmaǵambetov kóshesinde jer úıden shyqqan órtten úsh adamdy qaýipsiz jerge kóshirdi. Órt sóndirildi. Zardap shekkender joq, órttiń shyǵý sebebi naqtylanyp jatyr.
Osyǵan deıin qutqarýshylardyń Bozjyra mańynda balshyqqa batqan eki týrıstik avtobýsty shyǵarǵany týraly jazdyq.
