Shýdaǵy júkti áıeldiń ólimi: tekserý qorytyndysy qashan jarııalanady
ASTANA. KAZINFORM – QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń tóraǵasy Baýyrjan Júsipov Shýdaǵy júkti áıeldiń ólimine qatysty tekserý is-sharalaryna pikir aıtty.
- Saraptama jasalyp jatyr, sonyń nátıjeleri shaqqannan keıin, komıssııa tekserýiniń qorytyndysy jarııalanady. Bul oqıǵa boıynsha Shý aýdandyq (aýdanaralyq ortalyq) aýrýhanasynyń bas dárigeri men perzenthana bólimshesiniń meńgerýshisi atqaratyn laýazymdarynan ýaqytsha shettetildi. Tekserý materıaldary jarııalanǵan soń, ary qaraı tıisti sheshim qabyldanady, - dedi B.Júsipov Parlament Májilisinde tilshiler suraǵyna jaýap bere otyryp.
Onyń aıtýynsha, mınıstrdiń tapsyrmasy boıynsha qazir Jambyl oblysyndaǵy barlyq ana men bala densaýlyǵyna jaýapty medıtsınalyq uıymdar tekserilip jatyr. Olardyń standarttarǵa sáıkes qyzmet kórsetýi egjeı-tegjeıli qaralady.
Buǵan deıin Shý aýrýhanasyna júkti bolyp túsken kelinshektiń denesin jubaıy jertóleden tapty degen aqparat taraǵan edi.
Sonymen qatar Densaýlyq saqtaý mınıstrliginiń komıssııasy Shý aýdandyq aýrýhanasynda júkti áıeldiń qaıtys bolý faktisi boıynsha tekseris júrgizetinin jazǵan edik.