Shýda polıtseılerge shabýyl jasaǵandar 8 jylǵa deıin sottaldy
«Shý aýdandyq sotynyń 2022 jylǵy 6 jeltoqsandaǵy úkimimen segiz turǵynǵa 3 jyldan 8 jyl 2 aıǵa deıingi merzimge bas bostandyǵynan aıyrý túrindegi jaza taǵaıyndaldy», - delingen polıtsııa málimetinde.
Eske salsaq, 7 mamyr túngi saǵat 01.30 shamasynda Shý qalasyndaǵy vokzal mańynda polıtsııa qyzmetkerleri memlekettik nómiri joq VAZ 2114 avtokóligin toqtatqan bolatyn. Júrgizýshi men kólikte bolǵan jolaýshy qujattardy kórsetý týraly talapty oryndaýdan bas tartyp, polıtsııa qyzmetkerlerine shabýyl jasady. Sonymen qatar jaqyn mańdaǵy kafe men alańnan bir top adam jınalyp polıtsııa qyzmetkerlerine dene jaraqatyn keltirip, qarýlaryn tartyp almaqshy boldy. Atalǵan derek boıynsha QR Qylmystyq kodeksiniń 380-baby 3-bóligimen sotqa deıingi tergeý amaldary júrgizilip, is materıaldary úkim shyǵarý úshin sotqa joldanǵan edi.