Şýchınskidegi jarylystan zardap shekken 5 adam Kókshetaý aýrýhanasyna aýystyryldy
KÓKShETAÝ. KAZINFORM — Aqmola oblysy ákiminiń orynbasary Altynaı Amrenova Şýchınskidegi kafede bolǵan órtten zardap shekkenderdiń qazirgi jaǵdaıy týraly málimet berdi.
Onyń aıtýynsha, Şýchınsk qalasynyń statsıonaryna kúıiktiń ártúrli dárejesimen 13 naýqas túsken. Qazirgi ýaqytta 6 naýqasty Kókshetaý qalasyndaǵy kópbeıindi oblystyq aýrýhanaǵa aýystyrýǵa daıyndyq júrgizilip jatyr.
«Shuǵyl medıtsınalyq kómek kórsetý úshin oblys ortalyǵynan medıtsınalyq mamandar tartyldy, qosymsha úsh anestezıolog-reanımatolog brıgadasy keldi. Qajetti dári-dármekter jetkilikti kólemde bar. Naýqastardyń jaǵdaıyn turaqtandyrý úshin barlyq qajetti kómek tolyq kólemde kórsetilip jatyr», dedi oblys ákiminiń orynbasary.
Keıingi aqparatpen tolyqtyra ketsek, Aqmola oblysy TJD aqparatyna sáıkes, bes zardap shegýshi sanıtarlyq avıatsııamen Kókshetaý qalasyna jetkizilip, oblystyq aýrýhanaǵa jatqyzyldy. Taǵy eki naýqas tasymaldaýǵa daıyndalyp jatyr. Barlyq zardap shekkenderdiń jaǵdaıy dárigerlerdiń turaqty baqylaýynda.
Eske salaıyq, Şýchınsk qalasynda bes qabatty turǵyn úıge japsarlas salynǵan bir qabatty kafede gaz-aýa qospasy jarylyp, keıin órt shyqqan. Aqmola oblysy ákimdiginiń sońǵy málimetinshe, qaza tapqandar sany jeti adamǵa jetti, olardyń arasynda 16 jastaǵy qyz bar. Barlyǵy 26 adam zardap shekti: 13 adam Býrabaı aýdandyq aýrýhanasynda jatyr, altaýy ambýlatorııalyq baqylaýǵa jiberilgen.
Oqıǵa ornynda oblystyq jedel shtab jumys isteýde, sanıtarlyq avıatsııa tartylǵan. Jarylystyń sebepteri anyqtalýda. Ákimdik jaǵdaı týraly aqparatty tek resmı derekkózderden alýǵa shaqyrdy. Sondaı-aq qaza tapqandardyń otbasylaryna jáne zardap shekkenderge qajetti kómek kórsetiletini aıtyldy.