Şýchedegi jarylysta qaza tapqandardyń otbasyna 2 mln teńgeden beriledi
ASTANA. KAZINFORM — Aqmola oblysy Býrabaı aýdanynyń ákimi Araı Sadyqov Şýchedegi qaıǵyly oqıǵadan zardap shekkenderge tólenetin tólemder týraly aıtty.
Jaǵdaı dereý baqylaýǵa alyndy, jedel shtabtyń quryldy.
— 28 adam zardap shekti, 7 adam qaza tapty, olardyń ishinde bir kámeletke tolmaǵan bar. Barlyq qajetti kómek tolyq kólemde kórsetilip jatyr.
Qaza tapqandardyń otbasylaryna 2 mln teńge mólsherinde birjolǵy materıaldyq kómek tólenedi, al zardap shekkenderge 1 mln teńgeden beriledi, — dedi Býrabaı aýdanynyń ákimi Araı Sadyqov.
Ákimdik jerleý rásimderin uıymdastyrýǵa baılanysty barlyq uıymdastyrýshylyq máselelerdi óz moınyna aldy.
Qaraly is-sharalarǵa qatysý úshin keletin týystardy ornalastyrý jáne alyp júrý boıynsha kómek kórsetilip jatyr.
Aıta keteıik, buǵan deıin Şýchınskidegi kafede gaz qospasy jarylǵany jóninde jazǵanbyz.
Sonymen qatar, jarylystan zardap shekken 5 adam Kókshetaý aýrýhanasyna aýystyrylǵanyn habarlaǵanbyz.
Sondaı-aq jarylysqa baılanysty qylmystyq is qozǵaldy.