Şýchede jedel járdem júrgizýshisine jasalǵan shabýyl týraly tyń derek shyqty
KÓKShETAÝ. KAZINFORM - Şýche qalasyndaǵy janar-jaǵar maı quıý beketinde bolǵan shabýyldan keıin jedel járdem kóliginiń júrgizýshisi Býrabaı kópsalaly aýdanaralyq aýrýhanasynyń qabyldaý bólmesiniń kómegine júgindi.
Aqmola oblysy Densaýlyq saqtaý basqarmasy baspasóz qyzmetiniń málimetinshe, 10 aqpanda eki feldsher men júrgizýshiden turatyn №2 jedel járdem brıgadasy HYUNDAI sanıtarlyq kóligimen Şýche qalasyndaǵy «Gelıos» janar-jaǵar maı quıý beketine barǵan.
«Janar-jaǵar maı quıý kezinde jedel járdem kóliginiń júrgizýshisi men Reseıde tirkelgen memlekettik nómirdegi «Toyota Land Cruiser 200» avtokóliginiń júrgizýshisi arasynda janjal týyndaǵan. Sonyń saldarynan jedel járdem kóliginiń júrgizýshisine dene jaraqaty keltirildi. Oqıǵadan keıin ol medıtsınalyq kómek kórsetý jáne odan ári baqylaý úshin Býrabaı kópsalaly aýdanaralyq aýrýhanasynyń qabyldaý bólmesiniń kómegine júgindi, - dep túsindirdi basqarmadan.
Aıta ketsek, budan buryn Şýchede jedel járdem júrgizýshisine shabýyl jasaǵan er adam ustalǵanyn jazǵan edik.
