Şýchede jedel járdem júrgizýshisine shabýyl jasaǵan er adam ustaldy
KÓKShETAÝ. KAZINFORM - Şýche qalasynda jedel járdem kóliginiń júrgizýshisine shabýyl jasaldy. Bul týraly áleýmettik jelide beınejazba jarııalandy. Aqmola oblysy PD baspasóz qyzmetiniń málimetinshe, qazirgi kezde kúdikti er adam ustalyp, ústinen is qozǵalǵan.
«Bıylǵy jylǵy aqpannyń 10-da Aqmola oblysy PD qyzmetkerleri Şýche qalasynda janar-jaǵar quıý stantsııasynda jedel járdem avtokóliginiń júrgizýshisine dene jaraqattaryn salǵan er adam ustaldy. Sotqa deıingi tergep-tekserý bastaldy, kúdikti ýaqytsha ustaý ızolıatoryna qamaldy», - dep túsindirdi Kazinform tilshisiniń PD baspasóz qyzmetinen.
Eske salsaq, 27 qańtarda er azamat shaqyrýǵa kelgen dárigerler brıgadasynyń júrgizýshisimen sózge kelip qalǵan. Sodan soń ashýlanyp, judyryq ala júgirgen. Bul daýǵa er adamnyń aýla jolymen óte almaǵany sebep bolǵan.
1 aqpan kúni Qaraǵandy oblysynda jedel járdem júrgizýshisin urǵan er adam ustaldy.
