Şýchede 9 adamnyń ómirin jalmaǵan órtten keıin kafe ıesi qamaýǵa alyndy

ASTANA. KAZINFORM — Kókshetaý mamandandyrylǵan tergeý soty Şýche qalasyndaǵy «Palaý ortalyǵy» kafesiniń ıesin qamaýǵa alý týraly sheshim shyǵardy.

Aqmola oblystyq prokýratýrasynyń málimeti boıynsha, 2026 jyldyń 4 naýryzynda Kókshetaý mamandandyrylǵan tergeý soty «Palaý ortalyǵy» kafesiniń ıesin eki aıǵa qamaýǵa alý týraly sheshim shyǵardy.

Buǵan deıin Şýchınsk qalasyndaǵy kafede gaz jarylysynan alty adam qaza tapqany habarlanǵan bolatyn. Keıinnen kóz jumǵandar sany jeti adamǵa jetkeni belgili boldy.

2 naýryzda «Palaý ortalyǵy» kafesiniń ıesi Qylmystyq is júrgizý kodeksiniń 128-baby boıynsha ustalǵany anyqtaldy.

Ókinishke qaraı, 3 naýryzda órtten zardap shekken taǵy eki adam jansaqtaý bóliminde qaıtys boldy.