Şýche-Býrabaı kýrorttyq aımaǵyn damytýǵa 137,2 mlrd teńge jumsalady
ASTANA. KAZINFORM — Qarjy 2025-2029 jyldarda júzege asyrylatyn jobalardy qamtıdy. Bul jóninde QR Týrızm jáne sport mınıstrligi resmı saýalymyzǵa joldaǵan jaýabynda málimdedi.
— Qazaqstan Respýblıkasy Úkimetiniń qaýlysymen Şýche-Býrabaı kýrorttyq aımaǵyn damytý jónindegi 2025-2029 jyldarǵa arnalǵan keshendi jospary bekitildi. Keshendi josparda jalpy somasy 137,2 mlrd teńgege 118 is-sharany iske asyrý kózdelgen, — delingen habarlamada.
Joba aıasynda ınfraqurylym damıdy, qaýipsizdik qamtamasyz etiledi jáne ınvestıtsııalyq jobalar iske asyrylady.
— Negizgi maqsat — Qatarkól, kishi jáne úlken Shabaqty, Jókeı kólderinde ınfraqurylymdy damytý arqyly Shortandy jáne Býrabaı kólderindegi júktemeni azaıtý, — delingen resmı jaýapta.
Aıta keteıik, buǵan deıin Mańǵystaý, Býrabaı jáne Almatyda týrızm salasy qalaı damıtynyn jazǵanbyz.
