«Shubarkól Kómir» 2018-shi jyly kómirdi rekordtyq kólemde óndirmek

 Atalmysh top úkimet tapsyrmasy boıynsha elimiz boıynsha kómir shyǵarýdy, sondaı-aq onyń tutynýshylarǵa jetkizilý mehanızmin baqylaý jáne saraptaý úshin qurylǵan bolatyn.

- Búgingi tańda Qazaqstandaǵy barlyq kómir óndirýshi kásiporyndar tolyq qýatta jáne shtattyq rejimde jumys istep jatyr. Kómir tapshylyǵy joq. Múmkin, kómirdiń tutynýshylarǵa jetkizilýine qatysty máseleler bar shyǵar, - dedi Ǵanı Sádibekov. 

Toptyń jumys qorytyndysy boıynsha jınalys Ekibastuz qalasynda 7-shi aqpanda ótedi. Sodan keıin úkimetke halyqty kómirmen qamtamasyz etýdi jaqsartý úshin usynystar jiberiletin bolady. 
Energetıka mınıstrliginiń málimetterine saı, 2017-shi jyly Qazaqstanda kómir shyǵarýshy kompanııalar 106,7 mln tonna kómir óndirgen, ol 2016-shy jylmen salystyrǵanda 8,3%-ǵa nemese 8,2 mln tonnaǵa kóbirek. 

 Eksportqa 29,3 mln tonna kómir shyǵaryldy, ol 2016-shy jylmen (26,2 mln tonna) salystyrǵanda 3,1 mln tonnaǵa artyq. 
Qazaqstannyń elektr stantsııalaryna 56,3 mln tonna kómir jiberildi, ol bir jyl burynǵy kórsetkishtermen salystyrǵanda 7,1 mln tonnaǵa kóbirek. 

 2017-shi jyly halyqtyń kommýnaldyq-turmystyq qajettilikterine jiberilgen kómir kólemi 12,5 mln tonnany qurady, ol 2016-shy jylmen (10,6 mln tonn) salystyrǵanda 18%-ǵa kóp. 

 Shubarkól ken orny kommýnaldyq-turmystyq qajettilikterge arnalǵan eń basty kómir jetkizýshilerdiń biri bolyp tabylady. Qańtarda aýa raıynyń qolaısyzdyǵy sebebinen kásiporyndarǵa jiberilim táýliktik jospardan sál qalys qaldy. 

- Biz qazir ótken aıda qalyp qoıǵanymyzdy eskere otyryp, qajettilikterdi jaýap jatyrmyz. Ol qańtardyń birinshi on kúninde qalyń qar túskenimen túsindiriledi. Temirjoldardy qar basty. Sonymen qatar ekinshi on kúndikte qatty aıazdar bastalyp ketti, tehnıka jumys istemeı turdy. Búgingi tańda «Shubarkól Kómir» kásipornynan kómir shyǵarý jospary kommýnaldyq-turmystyq qajettilikter úshin táýligine 109 vagondy qurap otyr. Biz bolsaq qazir táýligine 123-127 vagonnan jiberip jatyrmyz, - dedi «Shubarkól Kómir» AQ óndiris boıynsha vıtse-prezıdenti Andreı Safonov. 

 Іshki naryqta kommýnaldyq-turmystyq qajettilikter úshin tek iri fraktsııaly kómir ǵana satylyp jatyr. Usaǵy qazaqstandyq tutynýshylar arasynda suranysqa ıe emes, ony kásiporynnyń ózindik qajettilikterine, sondaı-aq elimizdiń JEO úshin energetıkalyq kómir retinde paıdalanady. Sonymen qatar jaqyn jáne alys shet elderge eksportqa shyǵarylady. 

- Shyǵarylǵan kómir taý jynystaryndaǵy ornyna jáne tehnologııalaryna baılanysty túrli tehnologııalyq suryptarǵa bólinedi. Shyǵarylǵan soń ol selektsııadan ótedi. Usaq fraktsııaly kómir ılenip, ajyratylady. Ondaı kómirdi qazirgi tańda qazaqstanda satý múmkin emes. Negizi áleýmettik-turmystyq qajettilikterge arnalǵan kómirdi eksportsyz shyǵarý múmkin emes. Eger biz usaq kómirdi ajyratyp, ony satpasaq, iri kómirdi shyǵarý da óte qıynǵa soǵady. Ony alý úshin ondaı kesekter qaı jerde jatqanyn bilý qajet. Dálirek aıtar bolsaq, tikeleı selektsııa arqyly, kenjardan shyǵaryp, jalpy óndirilgen kómirdiń ishinen tek 20%-y ǵana iri fraktsııa bolady. Taǵy 10%-yn biz tikeleı selektsııa kezinde alamyz. Nátıjesinde kommýnaldyq-turmystyq qajettilikter arnalǵan kómirdiń 30%-yn biz jalpy óndirilgen kómirdiń ishinen alamyz, - dep túsindirdi Andreı Safonov. 
Sonymen qatar ol qıyndyqtarǵa qaramastan «Shubarkól Kómir» AQ úshin kommýnaldyq-turmystyq qajettilikterge arnalǵan kómir shyǵarý basym baǵyt bolyp tabylady. Sondyqtan 2018-shi jyly kásiporynda shamamen 16 mıllıard teńgeni jańa tehnıka men jabdyqtarǵa ınvestıtsııalaýdi kózdep otyr. Jańǵyrtý sharalary iri fraktsııaly kómirdi shyǵarý kórsetkishin 3,6 mıllıon tonnaǵa deıin ulǵaıtýǵa múmkindik beredi. 

- Jalpy «Shubarkól Kómir» 2018-shi jyly 12 mıllıon 200 myń tonna kómir shyǵarýdy josparlap otyr. Bul kásiporynnyń tarıhyndaǵy eń úlken kólem. Salystyrar bolsaq, 2015-shi jylǵy 8 mıllıon 600 myń tonnandan biz 2017-shi jyly 10 mıllıon 500 myńǵa deıin jettik, - deıdi Andreı Safonov. 

2022-shi jylǵa qaraı «Shubarkól Kómir» AQ koks shyǵaratyn jańa zaýytty jobalyq qýattylyǵyna shyǵarýdy josparlap otyr. Ol elimizde shyǵarylatyn usaq fraktsııaly kómirdi tolyq kólemde paıdalanýǵa, onyń eksportqa arnalǵan qunyn ósirý úshin qaıta óńdeýge múmkindik beredi.