Shubarkól kóli túbinen meteorıt synyqtary shyǵaryldy
ASTANA. 29 qyrkúıek. QazAqparat - Shubarkól kóli túbinen boljamdy 6 meteorıt synyǵy shyǵaryldy, dep habarlady sheteldik BAQ.
Sý asty operatsııasyn júzege asyrǵan Arnaıy jumystar qyzmeti bas dırektorynyń atap ótýinshe, tabylǵan meteorıt synyqtary ǵalymdarǵa tabys etilgen. Al mamandar atalǵan synyqtardyń metorıtke qatysy bar-joq ekendigine naqty qorytyndy shyǵaratyn bolady.
Eske salaıyq, 15 aqpan kúni tańerteń, jergilikti ýaqyt boıynsha saǵat 09.23-te Chelıabi oblysynyń turǵyndary sırek astronomııalyq qubylystyń kýási boldy. Óńir aýmaǵyna meteorıt qulady, soqqy tolqyny turǵyn úılerdiń, ónerkásiptik ǵımarattardyń 100 myń sharshy metrden astam shynylaryn syndyrdy. Oqıǵa saldarynan 1 myńnan astam adam zardap shekti.
Dabyl boıynsha 20 myńnan astam jeke quram aıaqtaryna tik turǵyzyldy, aspan denesiniń qaldyqtaryn izdestirýge birneshe tikushaq jumyldyryldy. Kóp uzamaı meteorıttiń bólshekteri tabyldy.
