«Shubar» jáne «Telman» turǵyn alaptaryn gazdandyrý bıyl aıaqtalady

ASTANA. KAZINFORM — Elordanyń «Shubar» jáne «Telman» turǵyn alaptaryn gazdandyrý bıyl aıaqtalady. Bul týraly «Astana qalasynyń energetıka basqarmasy» MM basshysynyń orynbasary Maqsat Ysmaǵulov aıtty.

— Búginge qalada 34 turǵyn alaby tolyǵymen gazben jabdyqtalǵan. Byltyr gaz sheńberi qurylysyn aıaqtadyq. Qazir qala jan-jaǵynan gazben jabdyqtalǵan. 200 myń turǵynǵa gaz jelisi jetkizilgen. Bıylǵa josparlanǵan «Shubar» jáne «Telman» turǵyn alaptaryn gazdandyrýdy aıaqtaımyz dep otyrmyz. Qajetti qarajat bólingen. Saryarqa, Almaty, Esil jáne Nura aýdandarynyń keıbir bóligi gazdandyrylǵan, — ol qalalyq máslıhattyń qurylys, ekologııa, kólik jáne turǵyn úı-kommýnaldyq sharýashylyq jónindegi turaqty komıssııasynyń otyrysynda.

Onyń aıtýynsha, jeke ınvestor Úrker turǵyn alabyda myńǵa jýyq úıge gaz tartty. Bıyl memlekettik-jekeshelik seriktestik arqyly jumys jalǵasady. «Kırpıchnyı» turǵyn alabyn gazdandyrýǵa qatysty jobalyq-smetalyq qujattama memlekettik saraptamadan ótti. Gaz tartylmaǵan ek turǵyn alaby bar. Olar — Óndiris pen Garden Village. Bul turǵyn alaptar boıynsha joba osy jyldyń tamyz aıynda saraptamadan ótedi. Qurylys jumystary jyl aıaǵynda bastalyp, kelesi jyly jalǵasady.

— Elordany gazdandyrýdy 2026 jyldyń sońyna deıin aıaqtaý josparymyzda bar, — dedi Maqsat Ysmaǵulov.

Buǵan deıin elordanyń turǵyn alaptarynda ınjenerlik jeliler qalaı salynyp jatqanyn jazǵan edik.