ShUAÓ-de segiz lańkes óltirildi
BEIJІŃ. QazAqparat - QHR-da Shyńjań-Uıǵyr avtonomıkalyq ólkesiniń (ShUAÓ) soltústik-batysynda zombylyq jasap, birqatar lańkestik shabýyl jáne qylmystar jasaǵany úshin segiz adam óltirildi.
Qylmyskerlerge bes ártúrli áreketter - Beıjińdegi Tıananmın alańynda lańkestik akti jasaǵany, Aqsýda polıtseı ýchaskesine shabýyl jasaǵany, zańsyz jarylǵyshtar jasaǵany jáne Qashǵarda qasaqana kisi óltirgeni, sondaı-aq lańkestik uıym quryp, memlekettik sheneýnikterdi óltirgeni, Hotanda polıtseı ýchaskesin órtegeni úshin eń joǵary ólim jazasyna úkim shyǵaryldy.
Eske sala keteıik, 2013 jylǵy 28 qazanda Tıananmın alańynda lańkestik akti boldy. Lańkes basqarǵan jol talǵamaıtyn mashına turǵan adamdardy basyp ótip jarylǵan, sonyń saldarynan alty adam ólip, 39-y jaralandy. Qytaı bıligi 22 mamyrda Úrińmshi bazarlarynyń birinshe bolǵan lańkestikten keıin lańkestikke qarsy bir jyldyq naýqandy bastady. Ol kezde birneshe jarylys saldarynan 39 adam ólip, 94-i jaraqattanǵan bolatyn.
Shyńjańnyń jergilikti sýdıalary 5 mamyrda lańkestik uıymdardy qurǵany nemese basqarǵany, qasaqana kisi óltirip, órt salǵany úshn 12 adamǵa ólim jazasyn berdi, taǵy 69 adamǵa ómir boıy túrmede otyrýǵa jáne ártúrli merzimge bas bostandyǵynan aıyrýǵa jaza taǵaıyndaldy.
Eske sala keteıik, ShUAÓ-de Shyńjańdy QHR-dan bólip áketý úshin kúresip jatqan «Shyǵys Túrkistan Islam qozǵalysy» ekstremıstik uıymy áreket etedi. Qytaıda lańkestik uıym dep tanylǵan bul zańsyz qarýly qurylym Shyńjańda jáne QHR-dyń basqa da aýdandarynda birqatar shabýyldar jasady, olarda quqyq qorǵaý organdary qyzmetkerlerimen qatar beıbit turǵyndar qurban boldy.
Qytaı bıligi 2009 jylǵy Úrimshidegi jappaı tártipsizdikti uıymdastyrýǵa Shyǵys Túrkistan Islam qozǵalysy» jaýapty dep sanaıdy. Ol kezde 197 adam qaza tapty, 1700-den astamy jaraqattandy.
