«Shýaqty qala» merekesinde Astana turǵyndaryna jańa qaýipsiz attraktsıondar usynylady
ASTANA. 9 maýsym. QazAqparat - Astana qalasynyń 15 jyldyq mereıtoıy qarsańynda «Qazaq eli» monýmenti aldyndaǵy alańda «Shýaqty qala» halyqtyq serýeni ótedi. Bul jaıynda astana.kz saıtyna Astana qalasynyń 15 jyldyq mereıtoıyna daıyndyq komıtetiniń medıatoby habarlady.
Mereke kúnderi Astananyń mádenı ómiri zamanaýı óner sýretshileri jumystarynyń kórmesi, plener boıynsha sheberlik dáristeri, portretter, sýretter, bodı-artý jáne grafıttı ónerimen jandana túspek. Sonymen qatar, «Shýaqty qala» merekesinde qoldanbaly ónerdiń sheberleri de óz jumystaryn jınalǵandardyń nazaryna usynady.
Sondaı-aq, salaýatty ómir saltyn ustanǵan qala turǵyndary: balalar tóbeshikteri, «Shytyrman», «Quzar shyń», «taıǵanaq fýtbol», «gladıatorlyq shaıqastar» jáne basqa da túrli attraktsıondardyń qyzyǵyna batady.
Bul jerde ózge de jańadan attraktsıondar ákelinedi dep josparlanýda. Olar: «Segway»-eki dóńgelekti ózi jyljıtyn samokat jáne «Up-Wing»- qarǵýdy kúsheıtetin aıaqqa arnalǵan arnaıy bekitkish.
Eske salaıyq, merekelik serýen elorda aspanyndaǵy erekshe otshashýmen aıaqtalady.
