«Shýaqty qala» halyqtyq serýeni keremet merekelik kóńil kúı syılaıdy
ASTANA. 1 shilde. QazAqparat - Astananyń 15 jyldyǵyn merekeleý aıasynda 6 jáne 7 shilde kúnderi «Qazaq Eli» monýmenti alańynda tańerteńnen keshke deıin «Shýaqty qala» halyqtyq serýeni ótedi. Eki kún boıy qala turǵyndary men qonaqtaryn kúnnen, jaýyn-shashynnan saqtaıtyn «qala ishindegi qala» shatyry tigiledi, -dep habarlady astana.kz saıtynan elordanyń 15 jyldyǵyn ázirlep, ótkizý jónindegi uıymdastyrý komıteti shtabynyń medıa tobyna silteme jasap.
Úrmeli jáne halyqtyq aspaptar orkestri óz ónerlerin kórsetedi. Djaz, dástúrli túrki mýzykasynan bólek: «SaxJam» vokaldy aspaptar ansambli, «Hýýn-Hýýr-Tý» etno-toby, «Shyńdaýyl» jáne «Sazgen Sazy» ansamblderi, «Terra» teatr-shoýy, «Astana Samaly» úrmeli aspaptar jáne «Serper» halyq aspaptary orkestrleri jáne basqalar sahnaǵa shyǵady.
Keshke tanymal qazaqstandyq oryndaýshylar «Estradalyq marafonyna» qatysady. Astanalyqtar men qala qonaqtary aldynda «MýzArt», «Báıterek», «AST», «Rıngo», «Jigitter» toptary, «Traıbl» bı ujymy, Jolbarys Seıfýllın, Altynaı Jorabaeva, Almas Kishkenbaev, Beıbit Qorǵan, Mádına Sádýaqasova, Qaırat Nurtas jáne basqalar óner kórsetedi.
Kontserttik baǵdarlamalardan basqa kelýshiler:
- «Meıramhanalarda»: shyǵys jáne eýropa as úıin;
- «Attraktsıondarda»: balalardyń taý qalashyǵy, «Skalodrom», «Taıǵanaq fýtbol», «Gladıator urysy», «Rodeo», «Segway», «JollyJumper»;
- «Bı alańynda»: salsateka, breık-dens, latynamerıkasy bıi boıynsha sheberlik dáristerin; arqan tartý, sporttyq baıqaýlardy, t.b.;
- «Jármeńkede»: halyq tutynatyn taýarlardy;
- «Art-zonada»: plener, jármeńke-kórme, qoldanbaly óner dáristerin, akva-grımm, sharjshy, taǵy basqalardy;
- «Salada»: qazaqstandyq estrada juldyzdarynyń estradalyq marofonyn tamashalaı alady.
Mereke aýqymdy otshaýmen aıaqtalady.
