Shý jáne Talas ózenderi arqyly Qazaqstanǵa shamamen 304,3 mln tekshe metr sý keldi

ASTANA. KAZINFORM - Bıyl sáýir aıynan búginge deıin Qyrǵyz Respýblıkasy Qazaqstanǵa shamamen 304,3 mln tekshe metr sý jiberdi. 

Al Shý jáne Talas ózenderi arqyly osy ýaqytqa josparlanǵan sý berý kólemi 270,1 mln tekshe metr bolatyn.

Qyrǵyz Respýblıkasymen jasalǵan kelisimderge sáıkes, vegetatsııalyq kezeńde Qazaqstanǵa Jambyl oblysynyń dıqandaryn qamtamasyz etý úshin Shý jáne Talas ózenderi arqyly 625 mln tekshe metr sý keledi dep kútilip otyr.

Búginde Jambyl oblysynyń sharýa qojalyqtaryna 231 mln tekshe metrden astam sý berildi. Bul ótken jylmen salystyrǵanda 50 mln tekshe metrge artyq. Jalpy 58 900 gektar egis alqaby sýaryldy.

«Óńirde sýarmaly sýdy tıimdi paıdalaný jáne ádil bólý baǵytyndaǵy jumystar jalǵasyp jatyr. Kanaldar boıynsha sýdy kezekpen berý kestesi bekitildi, dıqandarǵa ylǵaldy az qajet etetin daqyldarǵa kóshý men túngi sýarý jaıynda túsindirý jumystary júrgizilýde. Sondaı-aq Fýrmanov aınalma kanaly men Georgıev magıstraldyq kanalynda mehanıkalyq tazartý jumystary bastaldy», – dedi Sý resýrstary jáne ırrıgatsııa birinshi vıtse-mınıstri Nurlan Aldamjarov.

Aıta keteıik, sýarý kezeńi aıaqtalǵansha Qazaqstan Syrdarııa arqyly taǵy 1,5 mlrd tekshe metr sý alady.