Shý turǵynynyń kóliginen 50 keliden astam esirtki tabyldy

TARAZ. QazAqparat – Jambyl oblysy Shý aýdany turǵynynyń kóliginen 52 keli esirtki tabylǵan, dep habarlaıdy QazAqparat.

35 jastaǵy er adam esirtkiniń eki túrin óz kóligimen tasymaldaǵan. 50 kılogramnan astam marıhýana men 2 keli gashıshti polıtseıler Jambyl oblysynyń Shý aýdanynda «Lada» markaly avtokólikti tekserý kezinde tapqan. Bul týraly oblystyq polıtsııa departamentiniń baspasóz qyzmeti habarlady.

«Shý qalasynyń 35 jastaǵy turǵyny buryn esirtki quraldaryn asa iri kólemde ótkizý maqsatynsyz zańsyz tasymaldaǵany úshin sotty bolǵan. Alaıda ol bul áreketin jalǵastyrýdy oılaǵan. Atalǵan fakti boıynsha QR QK 297-baby 3-bóligimen sotqa deıingi tergeý júrgizilýde. Kúdikti óz kinásin moıyndap, Shý qalasynyń ýaqytsha ustaý ızolıatoryna qamaýǵa alynǵan»,-delingen vedomstvo habarlamasynda.