Shý turǵynynan jarty tonnadan astam esirtki tabyldy

TARAZ. QazAqparat – Jambyl oblysynda Shý aýdanynyń turǵynynan salmaǵy shamamen jeti mıllıon dozany quraıtyn esirtki zaty tárkilendi, - dep habarlaıdy QazAqparat tilshisi.

«Qarasor-2021» Respýblıkalyq jedel-izdestirý is-sharalary aıasynda Jambyl oblysy PD esirtki qylmysyna qarsy is-qımyl basqarmasynyń qyzmetkerleri Shý aýdanynyń balyq aýlaý aldy aımaǵynda jedel-izdestirý is-sharalaryn júrgizý kezinde 47 jastaǵy jergilikti turǵyndy ustady.

Kúdiktini tintý barysynda odan jalpy salmaǵy 598 keli 780 gramm «marıhýana» esirtki zaty tabylyp, tárkilendi. Tárkilengen zattyń salmaǵy jeti mıllıon dozaǵa jýyq. Qara naryqta esirtkiniń mundaı mólsheriniń quny shamamen 60 mıllıon teńgeni quraıdy.

«QR QK 297-baby 3-bóligi boıynsha sotqa deıingi tergeý bastaldy. Atalǵan qylmys úshin múlkin tárkileı otyryp, 10 jyldan 15 jylǵa deıingi merzimge bas bostandyǵynan aıyrý qarastyrylǵan», – dedi Jambyl oblysy PD esirtki qylmysyna qarsy is-qımyl basqarma bastyǵy Asqar Jumabekov.

Ustalǵan er adam kinásin moıyndap, ýaqytsha ustaý ızolıatoryna qamaýǵa alyndy.