Shý turǵynynan 35 keli esirtki jáne qarý tárkilendi

ShÝ. QazAqparat – Jambyl oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Shý aýdany Tóle bı aýylynyń 41 jastaǵy turǵynyn ustady, dep habarlaıdy QazAqparat.

Kúdiktiniń avtokóligin tekserý barysynda paketke salynǵan 4 keli 630 gr «gashısh» esirtki zaty tabyldy. Bul týraly polıtsııa departamentiniń baspasóz qyzmeti habarlady.

«Tintý kezinde ustalǵan azamattyń turǵylyqty mekenjaıynan 12-kalıbrli qarý jáne onyń 4 oǵy, sondaı-aq qoımasynan 30 keli 380 gr salmaqta keptirilgen «marıhýana» esirtki zaty anyqtaldy»,- delingen vedomstvo habarlamasynda.

Búgingi tańda kúdikti óz kinásin tolyq moıyndap, Shý qalasynyń ýaqytsha ustaý abaqtysyna qamaldy. Atalǵan derek boıynsha QR QK-niń 297-baby 1-bólimimen sotqa deıingi tergeý amaldary júrgizilýde.