Shý turǵyny ýchaskelik polıtseıdi pyshaqtap, qashyp ketken – Jambyl oblysy
TARAZ. QazAqparat – Jambyl oblysynyń Shý aýdanynynyń turǵyny ýchaskelik polıtsııa ınspektoryn pyshaqtap, qashyp ketken, dep habarlaıdy QazAqparat tilshisi.
Aǵymdaǵy jyldyń 8 maýsymynda túngi saǵat 22.50 shamasynda Shý aýdandyq polıtsııa bóliminiń ýchaskelik ınspektorynyń uıaly telefonyna Shý qalasynyń 37 jastaǵy turǵyny habarlasyp, óziniń azamattyq nekedegi kúıeýi otbasylyq janjal shyǵaryp jatqandyǵy týraly aıtqan.
Shaqyrtý boıynsha kelgen ýchaskelik polıtsııa ınspektoryna 27 jastaǵy janjal shyǵarýshy azamat birneshe ret pyshaq salyp, oqıǵa ornynan boı tasalaǵan.
Polıtsııa qyzmetkeri aýdandyq aýrýhanaǵa jatqyzyldy, onyń densaýlyǵyna qaýip joq.
«Atalǵan derek boıynsha «Sırena-1», «Tosqaýyl» josparlary jarııalanyp, izdeý jumystaryna Polıtsııa departamenti jáne Shý, Qordaı, Moıynqum, T.Rysqulov aýdandyq polıtsııa bólimderiniń jeke quramy jumyldyryldy. Jedel-izdestirý is-sharalary barysynda kúdikti Shý aýdanynyń Alǵa aýylynda qolǵa tústi, onyń jeńil dárejedegi masań kúıde ekendigi anyqtaldy. Kúdikti Shý aýdandyq ýaqytsha ustaý ızolıatoryna qamaqqa alyndy»,- dep jazdy Jambyl oblysy Polıtsııa departamentiniń bastyǵy Janat Súleımenov feısbýk paraqshasynda.
Qazirgi ýaqytta Qazaqstan Respýblıkasy Qylmystyq kodeksiniń 380-1-baby 1-bóligimen (Bılik ókiline qatysty kúsh qoldaný) sotqa deıingi tergep-tekserý amaldary júrgizilýde.
