Shý ózeninde muz jınalýy múmkin qaýipti ýchaskeler anyqtaldy
TARAZ. QazAqparat - Jambyl oblystyq TJ departamenti sý tasqyny kezeńine daıyndalyp jatyr, dep habarlaıdy «QazAqparat» HAA tilshisi.
Bıylǵy qys jambyldyqtar úshin ońaı bolǵan joq. Qalyń qar, -30-37 gradýs qatty aıaz saldarynan jer toń bolyp qatyp, muz qalyńdady.
«Kúnniń jylynýy, qardyń erýine ákelip soǵady. Jer toń bolyp jatqandyqtan ózendegi sý deńgeıi kóterilip, qozǵalǵan seńniń bógeliske ushyraýy múmkin. Bul sýdyń jaǵaǵa jaıylyp mańaıdaǵy eldi mekenderdi basý qaýpin týdyrady»,- deıdi jergilikti TJ ókili Denıs Ohrımenko.
Shý ózenindegi jaǵdaıdy baǵamdaý úshin mamandar ózen boıymen Shý qalasynan bastap, Moıynqum aýdanynyń Ulanbel aýylyna deıin baryp qaıtty.
Eger muz úzdiksiz erıtin bolsa eń qaýipti ýchaskeler Shý ózenindegi kópirler bolmaq. Qaýiptiń aldyn alý úshin TJ mamandary oblys ákimi apparatyna aqparat jiberdi.
