Shý oblysyndaǵy jol apatynda 5 qyrǵyzstandyq qaza tapty, 5 qazaqstandyq jaraqattandy
ASTANA. QazAqparat - Qyrǵyzstannyń Shý oblysynda bolǵan jol-kólik apatynda japa shekkenderdiń ishinde bes Qazaqstan azamaty men bir Reseı azamaty bolǵan.
Bul týraly KırTAG quqyq qorǵaý organdaryna silteme jasap habarlady.
«Keshe, 15 shildede shamamen saǵat 09:00 Volkswagen Golf men Toyota Avensis Verso kólikteri soqtyǵysty. Birinshi kólikti 31 jastaǵy er adam, ekinshisin 29 jastaǵy er adam júrgizgen. Jol-kólik apaty saldarynan eki júrgizýshi men Volkswagen Golf kóliginiń jolaýshylary - 35 jastaǵy Altynbek, 28 jastaǵy Nurlan jáne 23 jastaǵy Maırambek oqıǵa ornynda ajal qushty», - dep habarlaǵan quqyq qorǵaý organdarynan.
TJM aıtqandaı, japa shekkenderdiń ishinde bes qazaqstandyq bar.
Volkswagen Golf kóliginiń bir jolaýshysy - 32 jastaǵy Aıtbaı men Toyota Avensis Verso jolaýshylary 44 jastaǵy Janna, 38 jastaǵy Ásel, 41 jastaǵy Gúlnar, 13 jastaǵy Shernııaz ben 7 jasar Arsen, 59 jastaǵy Aıjan Issık-Ata aýdandyq aýrýhanasyna jetkizildi.
«Toyota Avensis Verso kóliginiń barlyq jolaýshylary Qazaqstan azamaty, olardyń biri 59 jastaǵy áıel - Reseı azamaty.
Volkswagen Golf kóligi Tokmokqa bara jatsa, Toyota Avensis Verso Ystyqkólden kele jatqan», - dep habarlady mılıtsııadaǵylar.
