Shý oblysynda eki kólik betpe-bet soqtyǵysyp, bes adam qaza tapty
BІShKEK. QazAqparat - Shý oblysynda Ford Transit jáne Toyota Camry avtokólikteri soqtyǵysyp, bes adam kóz jumdy, ekeýi aýrýhanaǵa jetkizildi, dep habarlaıdy Kabar agenttigi.
Kólik ınspektorlarynyń aıtýynsha, Ford Transit-tiń júrgizýshisi rýlde kele jatyp, uıyqtap ketken.
Oqıǵa 24 shildede tańǵy saǵat 08:15-te boldy. Ońtústikten soltústikke baǵyt alǵan Ford Transit avtokóliginiń 24 jastaǵy júrgizýshisi rýlge ıe bola allmaı qalǵan. Saldarynan qarsy betke shyǵyp ketip, Toyota Camry avtokóligine soǵylǵan. Ekinshi kólikti 34 jastaǵy D.A. esimdi azamat júrgizip kele jatqan.
Jol apatynyń saldarynan Ford Transit avtokóliginiń júrgizýshisi oqıǵa ornynda kóz jumdy.
«Toyota júrgizýshisi men úsh jolaýshysy Ysyq-Ata aýdanynyń aýrýhanasynda kóz jumdy. Eki bala aýrýhanaǵa jetkizildi», -dedi Jol qozǵalysy qaýipsizdigin qamtamasyz etý jónindegi bas basqarma ókili.
Qazirgi ýaqytta sot-medıtsınalyq jáne avtotehnıkalyq saraptama taǵaıyndaldy. Tergeý amaldary bastalyp ketti.
