Shý oblysynda bir kúnde eki úshem dúnıege keldi
BІShKEK. Kabar - QazAqparat – Shý oblysynda bir kúnde birden eki úshem dúnıege keldi, dep habarlaıdy Kabar Shý oblysyndaǵy úkimettiniń ókiletti ókiliniń baspasóz qyzmetine silteme jasap.
29 shilde kúni Shý oblysynda qos ana eki birdeı úshemdi dúnıege ákeldi. Osylaısha eki otbasynda alty perzent týdy.
«26 jastaǵy Yrys Sharsheeva 2019 jylǵy 29 shildede bosandy. Ana men úsh balanyń jaǵdaıy jaqsy. Búgin olar perzenthanadan shyqty. Dál osy kúni 40 jastaǵy Olesıa Tomılova da dúnıege úsh perezentin ákeldi. Ana men sábılerdiń jaǵdaıy jaqsy dep baǵalanýda. Qos otbasyǵa Shý oblysynyń gýbernatory Altynbek Namazalıevtiń atynan materıaldyq kómek kórsetildi», - dedi baspasóz qyzmetiniń ókili.
Oblystyq ákimshiliktiń basshysy Tomılovtar otbasyna keleshekte de qajetti qoldaý kórsetýge ýáde berdi, sebebi bul otbasy kómekke muqtaj. Quttyqtaýlar men aqshalaı syılyqty jańa bosanǵan analarǵa gýbernatordyń orynbasary Svetlana Volkova tabystady. Ákimshilik basshysynyń jáne óz atynan sábılerge densaýlyq, baqyt jáne amandyq, al ata-analaryna kúsh pen qýat tiledi.
