Shý mańyndaǵy apat: Poıyzdyń mashınısi ustaldy
ASTANA. QazAqparat - Astana-Almaty poıyzyn basqarǵan mashınıst ustaldy, dep habarlaıdy QazAqparat KTK telearnasyna silteme jasap.
Polıtseıler Astana-Almaty poıyzyn basqarǵan mashınısti ustady. Sondaı-aq, tergeýge segiz vagon relsten shyǵyp ketken jerde kezekshilik atqarǵan temirjol qyzmetkerleri de shaqyryldy. Apat saldarynan zardap shekken jolaýshylar ótemaqy alatyn bolady.
Eske salaıyq, Jambyl oblysynda jolaýshylar poıyzynyń vagondary relsten shyǵyp ketti. Oqıǵaǵa baılanysty qylmystyq is qozǵaldy. Bas kólik prokýratýrasy tergeý barysyn óz baqylaýyna aldy.
Qazaqstan Respýblıkasynyń Premer-Mınıstri qaza tapqan jasóspirimniń týystaryna kóńil aıtyp, tergeýdi jeke óz baqylaýyna aldy.
