Shý qalasynyń turǵyny Astanaǵa 70 keli marıhýana ákelgen
ASTANA. QazAqparat - 3 qazan kúni kúndizgi 15-00 shamasynda «Astana - esirtkisiz qala» is-sharalar josparyn júzege asyrý aıasynda, sonymen birge, respýblıkalyq «Kóknar» JASh barysynda elordanyń ІІD Esirtkige qarsy kúres basqarmasynyń qyzmetkerleri 34 jastaǵy Shý qalasynyń turǵynyn ustady. Odan salmaǵy 70 keli bolatyn marıhýana tárkilendi. Bul týraly departamenttiń baspasóz qyzmeti habarlady.
Atalǵan fakti boıynsha QR QK 259-babynyń 3-tarmaǵy boıynsha qylmystyq is qozǵaldy, tergeý júrgizilýde.
Qazir Astana qalasynyń ІІD Esirtkige qarsy kúres basqarmasynyń qyzmetkerleri esirtkiniń qaıdan jetkizilgenin jáne ustalǵan adamnyń osy qylmysqa qatysy bar-joǵyn anyqtaý úshin arnaıy jedel izdeý sharalarynyń kesheni ótýde.
Ustalǵan adam Astana qalasynyń ІІD ýaqytsha ustaý ızolıatoryna qamaldy.
Jyl basynan beri Astana qalasynyń ІІD qyzmetkerlerimen esirtkige qatysty 170 qylmys ashyldy. Olardyń ishinde 98 faktisi esirtkini ótkizýge qatysty. Zańsyz aınalymnan 140 keli túrli esirtki zattaryn tárkiledi. Onyń ishinde 23 kelisi - geroın.
