Shý qalasynyń turǵyny 5 kelige jýyq marıhýanamen ustaldy
ASTANA. 23 aqpan. QazAqparat - Ótken táýlik ishinde Kóliktegi ishki ister departamentiniń qyzmet kórsetý aýmaǵynda 9 qylmys tirkeldi, onyń ishinde krımınaldyq polıtsııa jelisi boıynsha - 8 qylmys.
Qylmystardyń altaýynyń beti ashyldy.
Atalǵan departamenttiń baspasóz qyzmetiniń málimetinshe, 21 aqpanda saǵat 20.00 shamasynda «Shý-Aspara» stansysy aralyǵynda Shý jelilik ishki ister bóliminiń qyzmetkerleri «Dopıng» jedel-aldyn alý sharasyn ótkizý barysynda Shý qalasynyń esh jerde jumys istemeıtin jáne buryn sotty bolmaǵan 1988 jylǵy M. esimdi turǵynyn quryqtady. Odan polıtseıler salmaǵy 4 keli 900 gramm bolatyn keptirilgen marıhýanany tapty. Ustalǵan azamat Shý stansysy jelilik ishki ister bóliminiń ýaqytsha ustaý abaqtysyna qamaldy.
Budan bólek, 22 aqpanda túngi saǵat 12 jarym shamasynda JІІB-ge Jambyl oblysynyń Shý aýdany, Tóle bı aýylynda turatyn 1972 jyly týǵan N. esimdi azamatsha shaǵymdandy. Aıtap aıtqanda, 21 aqpanda Shý stansysynyń temirjol vokzaly mańyndaǵy alańda halyqtyq tutyný taýarlary bar arbany belgisiz bireý urlaǵan. Keltirilgen zalal quny 19330 teńge. JІІB-niń kezekshi jedel tergeý tobymen jedel-izdestirý sharasyn ótkizý barysynda Jambyl oblysy, Shý qalasynda turatyn, esh jerde jumys istemeıtin jáne buryn sotty bolmaǵan 1974 jylǵy týǵan S. esimdi azamat ustaldy. Urlanǵan zat tárkilendi.
