Shý qalasynyń 50 jastaǵy turǵynynan 11 keliden astam marıhýana tárkilendi
TARAZ. QazAqparat - Jambyl oblysy, Shý qalasynyń 50 jasar turǵynynan tártip saqshylary 11 kılogram 760 gramm bolatyn keptirilgen marıhýana tárkiledi, dep jazady QazAqparat tilshisi.
Shý aýdanynda jedel izdestirý is-sharalaryn júrgizý kezinde polıtsııa qyzmetkerleri «Toyota Corolla» avtokóligin toqtatyp, júk salǵyshtan jolaýshyǵa tıesili qara polıetılen paketin tabady.
– Kúdikti óz kinásin tolyq moıyndap, ýaqytsha ustaý ızolıatoryna qamaldy. Qazirgi ýaqytta atalǵan derek boıynsha Qylmystyq Kodekstiń 296-baby, 4-bóligimen sotqa deıingi tergeý amaldary bastaldy. Bul bap boıynsha 3 jyldan 7 jylǵa deıingi merzimge bas bostandyǵynan aıyrý túrindegi jaza kózdelgen, – dedi polıtsııa departamenti bastyǵynyń orynbasary, polıtsııa polkovnıgi Nurjan Rahmetýllaev.
Aıta keteıik, buǵan deıin biz Jambyl oblysy aýyl sharýashylyǵy basqarmasy basshysynyń orynbasary 6 jylǵa sottaldy dep habarlaǵan bolatynbyz. Taraz qalasynyń №2 soty alaıaqtyq, iri mólsherde bógdeniń múlkin jymqyrý jáne ıemdený boıynsha aıyptalǵan 4 tulǵaǵa qatysty úkim shyǵarǵan edi.
Sondaı-aq, Jambyl oblysynda 200-den astam pedagog zańsyz jalaqy alǵanyn da jazǵanbyz.
