Shý qalasyndaǵy eki balanyń ómirin qıǵan órtke qatysty qylmystyq is qozǵaldy - TJM
Tótenshe jaǵdaılar mınıstrliginiń málimetinshe, 2 jeltoqsanda saǵat 23:55-te Shý aýdanyǵyń Shý qalasynda jeke turǵyn úıde 30 sharshy metr aýmaqta órt boldy. Úı zattary men jıhaz jandy. Órt ornynda 2017 jyly jáne 2020 jyly týǵan 2 balanyń máıiti tabyldy.
«Jambyl oblysy TJD Órt sóndirý qyzmetiniń kúshteri órtti saǵat 00:10-da oqshaýlap, saǵat 00:35-te sóndirdi. Birinshi bólimshe órt ornyna saǵat 23-58-de, órt týraly habarlama kelgen soń 3 mınýttan keıin keldi.
Órt kezinde balalar úıde eresekterdiń qaraýynsyz bolǵan. Aldyn ala málimetter boıynsha, qaıtys bolǵan balalardyń anasy 1989 jyly týǵan azamat balalardy úıde qaldyryp, esikti syrtynan jaýyp tastap ketken», - dep jazdy vedomstvodan.
Aıta ketý kerek, bul úıde profılaktıkalyq jumys 2022 jyldyń 22 qazanynda júrgizildi - órt sóndirýshiler reıdtik is-sharalar barysynda osy úıge baryp, órt qaýipsizdigi erejelerin túsindirgen.
Osy órt faktisi boıynsha QK 292-babynyń 3-bóligi «órt qaýipsizdigi talaptaryn buzý» boıynsha qylmystyq is qozǵaldy. Qazirgi ýaqytta atalǵan qylmystyq is sheńberinde tergeý is-sharalary júrgizilýde.