Shý qalasynda jeke úı órtenip, eki bala kóz jumdy

TARAZ. QazAqparat – Túnde Jambyl oblysynyń Shý qalasynda bolǵan órtten eki kishkentaı bala kóz jumdy. Bul týraly QazAqparat tilshisi óńirdiń tótenshe jaǵdaılar departamentiniń baspasóz qyzmetine silteme jasap habarlaıdy.

Qaıǵyly oqıǵa jeltoqsannyń 2 juldyzynan 3-ne qaraǵan túni bolǵan. Shý qalasyndaǵy jeke úılerdiń birinen órt shyqqan. Jergilikti departament degeringinshe, qyzyl jalyn jalpy aýdany 30 sharshy metrdi aýmaqty sharpyǵan. Úı zattary men barlyq jıhazdardar otqa oranǵan.

«Órt saǵat 00:10-da oqshaýlanyp, saǵat 00:35-te «SPıASR» memlekettik mekemesiniń kúshimen joıyldy. Ony sóndirýge 4 qyzmetker jáne 1 tehnıka jumyldyryldy», - dep málim etti TJD baspasóz qyzmetinen.

Quzyrly organ málimetinshe, tilsiz jaý aýyzdyqtalǵannan keıin oqıǵa ornynan 5 jáne 2 jastaǵy eki balanyń máıiti tabylǵan.