Shý qalasynda birde–bir qujaty joq 10 jasar bala turady
TARAZ. QazAqparat – Jambyl oblysy Shý qalasynda birde-bir qujaty joq 10 jasar qyz turady, dep habarlaıdy QazAqparat tilshisi.
Jambyl oblysynyń Shý qalasynda ýchaskelik polıtsııa qyzmetkeri osydan bir jyl buryn qujattary joq 10 jasar balany anyqtaǵan. Alaıda, kámeletke tolmaǵandardyń isteri jónindegi jergilikti komıssııa aýrý balany tapqan ýchaskelik ınspektordyń ótinishi boıynsha qajetti is-áreketter jasamaǵan.
Bul týraly Nur Otan partııasy janyndaǵy balalardyń quqyqtaryn qorǵaý jónindegi respýblıkalyq Keńestiń saraptamalyq tobynyń óńirdegi úsh kún jumys sapary barysynda belgili bolǵan. Astanadan arnaıy kelgen atalmysh top balalar oqıtyn nemese em alatyn 83 mekemege baryp, zerdeleý júrgizgen.
«Shý aýdany boıynsha úlken eskertý! Munda otbasylarmen, ásirese qolaısyz otbasylarmen jumys óte nashar. Bul osydan bir jyl buryn ýchaskelik polıtsııa jazǵan ótinish boıynsha sharalar qabyldanbaǵan. Qujattary joq 10 jastaǵy bala naýqas. Degenmen, balanyń naqty dıagnozy áli kúnge deıin anyqtalmaı otyr. Bul oraıda kámeletke tolmaǵandardyń isteri jónindegi Komıssııa osy jyly qajetti is-áreketter jasamaǵan», - dedi Nur Otan partııasy janyndaǵy balalardyń quqyqtaryn qorǵaý jónindegi respýblıkalyq keńes tóraǵasynyń orynbasary Dınara Zakıeva.
