Shý qalasynda 31 jastaǵy turǵynnyń úıinen 3,5 keli marıhýana tabyldy
ShÝ. QazAqparat – Jambyldyq polıtseıler Shý qalasynda iri kólemde esirtki zatyn tárkiledi, dep habarlaıdy QazAqparat tilshisi.
Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri Shý qalasynda jedel izdestirý sharalaryn ótkizdi.
Shara barysynda 31 jastaǵy jergilikti turǵyn ustaldy, tintý kezinde jeke turǵyn úı aýmaǵynan jalpy salmaǵy 3 jarym keliden asatyn «keptirilgen marıhýana» esirtki zaty tabylyp, tárkilendi.
Ustalǵan er adam kinásin moıyndap, Shý qalalyq polıtsııa bóliminiń ýaqytsha ustaý ızolıatoryna qamaqqa alyndy.
Qazaqstan Respýblıkasy Qylmystyq kodeksiniń 296-baby 4-bóligi boıynsha sotqa deıingi tergeý amaldary bastaldy.
Osyǵan baılanysty 3 jyldan 7 jylǵa deıin bas bostandyǵynan aıyrý jazasy kózdelgen.
