Shý qalasy karantınge jabylatyny jalǵan - ákimdik
TARAZ. QazAqparat - Jambyl oblysynyń Shý qalasy karantınge jabylady degen aqparat shyndyqqa janaspaıdy, dep habarlaıdy QazAqparat qala ákimdigine silteme jasap.
Áleýmettik jelilerde Shý qalasy karantınge jabylatyndyǵy týraly jalǵan aqparat tarady. Osyǵan baılanysty qala ákimdigi bul aqparattyń shyndyqqa janaspaıtyndyǵyn resmı túrde málimdedi.
«Qurmetti qala turǵyndary, karantınge baılanysty negizsiz aqparattarǵa senbeýlerińizdi jáne tek resmı aqparat kózderine súıenýlerińizdi suraımyz», - delingen habarlamada.
