Shý dalasynda birneshe kún boıy marıhýana daıyndap kelgen qostanaılyq ustaldy
ASTANA. 1 tamyz. QazAqparat - Jambyl oblysynyń ІІD «Delta-Dolına» esirtki bıznesine qarsy kúres boıynsha
aımaqaralyq bólim qyzmetkerleri «Mak-2012» jedel-aldyn alý is-sharalary barysynda Rysqulov aýdanynyń qumdy dalasyndaǵy «Qoraǵatty» ýchaskesinde Qostanaı qalasynyń 50 jastaǵy turǵynyn quryqtap, odan 503 keli marıhýana tárkiledi. Bul týraly ІІM baspasóz qyzmetinen habarlandy.
Aldyn ala tekseris boıynsha anyqtalǵandaı, kúdikti shilde aıynyń basynda Qostanaıdan Almatyǵa kelgen. Keıin, 23 shilde kúni Almatydan kólikpen marıhýany ázirleý úshin Jambyl oblysynyń Shý aýmaǵyna kelgeni anyqtaldy. Kúdikti ózimen birge qural saımanyn da saılap kelipti. Atap aıtqanda, ol oraq, azyq-túlik, sýlaryn da ala barǵan jáne Shý qalasynan 150 shaqyrym qashyqtyqtaǵy dalaǵa ornyǵyp, birneshe kún boıy marıhýana ázirleýmen aınalysqan.Sosyn ázirlegen esirtkini ol daladaǵy qupııa oryndarǵa saqtap, keıin kúzge qaraı Qostanaı qalasyna alyp barmaq bolǵany da belgili boldy.
Budan bólek, «Delta-Dolına» esirtki bıznesine qarsy kúres boıynsha aımaqaralyq bóliminiń jáne AІІB Esirtki bıznesine qarsy kúres bóliminiń qyzmetkerleri Jambyl oblysy Qordaı aýdany Qaınar aýylynyń janynan 1971 jyly týǵan Almaty oblysynyń turǵynyn ustady. Ol 592 kelige jýyq marıhýana ázirlegen.
Al ІІM Esirtki bıznesine qarsy kúres komıtetiniń jáne Aqmola oblysy Esirtki bıznesine qarsy kúres basqarmasynyń qyzmetkerleri Stepnogorsk qalasynda 1969 jyly týǵan áıeldi ustap, odan 154 gramm geroın tárkiledi. Sondaı-aq, al Aqmola oblysynyń Aqkól aýlynda ІІM jáne ІІD qyzmetkerleri 1987 jyly týǵan azamattan 878 gr. geroın tárkilendi. Joǵaryda atalǵan faktiler boıynsha qylmystyq ister qozǵaldy.
