Shý aýdanynyń sharýalary qurǵaqshylyqtyń saldarynan mıllıondaǵan shyǵynǵa batýda - Jambyl oblysy
TARAZ. 2 tamyz. QazAqparat - Jambyl oblysy Shý aýdanynyń sharýalary qurǵaqshylyqtyń saldarynan mıllıondaǵan shyǵynǵa batýda.
Sýaratyn sýdyń jetkiliksizdigi Shý alqaptarynda baqsha jáne azyqtyq daqyldary men pııazdyń túbinen shirip ketýine ákep soǵaýda.
Jyl saıyn qarbyz ben qaýynnyń kóp mólsheri shyǵatyn Kóktóbe aýylynda maýsymnyń basynda tólengen sý toqtatylǵan, dep atap ótti turǵyndar.
Shý ákimdigi óz aldyna sharýalardy bıyl sýdyń az bolatyny jaıly eskerkenbiz dep málimdeýde. Olar bıyl Qyrǵyzstan Respýblıkasynan keletin sýdyń kólemi 4 tekshe/sek.-qa deıin azaıtylyp otyrǵanyn alǵa tartýda. Sondaı-aq jergilikti sý qoımasy da tartylyp qalǵan.
«Bıyl sýaratyn sýdyń jetispeýshiligi aıtarlyqtaı sezilýde. Bul jaz ásirese ystyq, onyń ústine Qyrǵyzstannan keletin sýdyń kólemi az. Qazirgi ýaqytta óńirdi sýaratyn sýmen Shý-Talas basseın ınspektsııasy qamtamasyz etip otyr. Sharýalarǵa keletin bolsaq, qurǵaqshylyq sııaqty qolaısyz jaǵdaıdy eskere otyryp, «kúıip» ketken eginderine ótemaqy alady», - dedi oblystyq aýyl sharýashylyq basqarmasynyń basshysy Murat Asylbekov.
Shýdyń agrarshylary bul turǵyda sotqa deıin barýǵa ázir otyr. Olar jergilikti ákimdik pen sý sharýasynyń ústinen aryzbandaq.
Buǵan deıin habarlaǵandaı, jazdyń aptap ystyǵyna baılanysty Jambyl oblysynyń jekelegen aýdandarynda astyqtyń jartysy kúıip ketti.
